Бороон дусал

Чамайг ирэхэд л тэр явсан

Үүл нүүх үгүй нар гарах үгүй
Тэр ирэх үгүй би хүлээх үгүй
Одод түгэх үгүй сар гийх үгүй
Тэр байх үгүй би санах үгүй

Чамайг буцахад л тэр ирсэн
Чамайг ирэхэд л тэр явсан

Гуниг авчирдаг болохоор чамайг би хүлээдэг
Гоёл чинь алтан учраас чамд би тэмүүлдэг
Чамайг ирэхэд би хүүхэд шиг л баярладаг
Чамайг уйлахад би гунигаараа тосон аргаддаг

Чамайг ирэхэд л тэр явсан дахиж ирэхгүйгээр...
Чамтай л үлдсэн би гунигтайгаа

Орос явах гэж байгаа гэсэн чинь Оростой холбоотой юм бүхнийг л сонирхоод, багадаа үздэг байсан хүүхэлдэйн болон уран сайхны кинонууд, үлгэрийн номнууд, ОРТ-ийн бүтэн сайн өдөр гардаг байсан Амьтадын ертөнц нэвтрүүлэг гээд л нээх сайхан дурсамжууд санагдаад тэр сайхан дурсамжийг бий болгож бас ч үгүй миний багийн хүмүүжилд нөлөөлөөд авсан Орос гэдэг энэ их гүрэнд очих гэж байна л гэхээс сайхан санагдах юм.
Амьдрал нулимсанд дургүй буюу Москва слезам не верит гэж 2 ангит кино байдаг даа. Бага байхад энэ кино гарч л байдаг үзэж л байдаг, нарийн сайн ойлгодог ч үгүй байж дээ. Энэ жил өвөл аль сувгаар ч билээ гарсан санагдаж байна, дараа нь Айст Монголия-аар Орос хэл дээр гарч байсан ёстой л кинонд орж үзнэ гэдэг л болсон доо. Үнэхээр юм бодуулж, ухаарал өгөх сайхан кино. Уйдамгүй кино доо. Киноных нь нэр хүртэл яг таарсан киноны утга агуулгыг сайн гаргаж чадахаар болсон.
Бүгд л энэ киног үзэж байсан болохоор олон юм нуршаад яахав. Киноны хэсгээс түүвэрлэн оруулсан Александра дууных л бичлэгийг орууллаа.

Не сразу всё устройлось
Москва не сразу стройлось гээд л...

Хавтгай дэлхийн ач буянаар аль ч тивд аль ч хойг дээр байсан Банжигтайгаа хаа ч цуг гэж бодохоос сайхан байна аа.

Банжиг маань хаагдана гэж бүү бодоорой
Блог маань хаагдана гэж бүү санаарай
Дугираг улаан наран болон гийж
Дөрвөн зүг 8 зовхист гэрэлтэх болно
Хаа ч явсан цуг гэж мэдээрэй
Ирэх 7 хоногоос Арига нь нөгөө бидний хайртай ах минь байсан Иваны нутаг руу оюутан болохоор явах гэж байгаан. Дахиад оюутан болно гэж бодохоос л, тэнд очсон ч гэсэн Банжиг блогоосоо, бас блогчдоосоо холдохгүй гэж бодохоос л сэтгэл хөдлөөд байна шүү.

Тэгээл ажлууд гэж ундраад л байх юм ундраад л байх юм. Ойрд нээрээ зав мав үнэн муутай байна аа блог млогоороо ч орж амжихгүй юм. Яасан ч барагддаггүй юмб. Хувь, хувьсгалын ажлууд намайг хэдэн талаас минь татаж чангаагаад, түлхэж зулгаагаад энэ муу ганц биеийг минь булаацалдаад дайн болж байх шиг байна шт. Манай дүү Японд сумо барилддагийн тэгээд 26-нд ирсийн, тэгсэн энэ их ажлын хажуугаар бас сумо үзэхтэйгээ байгаа юмаа нөгөөх чинь.  
  

Манай Ленски надад нэг захиалга өгсийм. Тэрийг биелүүлж байна аа. Энрикигийн Саам баадийс ми гэж дууг нь оруулж байна. Надад ч бас таалагддаг шүү энэ дуу Ленски. Найз нь тэгэж байгаад чамд яаж дуу болон видео оруулдагийг зааж өгнө өө ок.

Аримаас сурсийн хэ хэ /Эгшигт хайрцаг дээрх дууг паузалж байгаад сонсоорой/

Ронан Кейтинийн энэ дууг өглөө ажил дээр ирээд ПС-гээ асааснаас хойш одоог хүртэл сонсож байна. Зүгээр л таалагдаад, сонсоод сонссод уйдахгүй юмаа. Тэгээд хаа ч явж байсан хаанаас ч гэсэн блогоороо орох болгондоо дуртай дуугаа сонсож байхын тулд оруулчихлаа.

"If Tomorrow Never Comes"

Sometimes late at night
I lie awake and watch her sleeping
She's lost in peaceful dreams
So I turn out the lights and lay there in the dark
And the thought crosses my mind
If I never wake up in the morning
Would she ever doubt the way I feel
About her in my heart

If tomorrow never comes
Will she know how much I loved her
Did I try in every way to show her every day
That she's my only one
And if my time on earth were through
And she must face the world without me
Is the love I gave her in the past
Gonna be enough to last
If tomorrow never comes

'Cause I've lost loved ones in my life
Who never knew how much I loved them
Now I live with the regret
That my true feelings for them never were revealed
So I made a promise to myself
To say each day how much she means to me
And avoid that circumstance
Where there's no second chance to tell her how I feel

If tomorrow never comes
Will she know how much I loved her
Did I try in every way to show her every day
That she's my only one
And if my time on earth were through
And she must face the world without me
Is the love I gave her in the past
Gonna be enough to last
If tomorrow never comes

So tell that someone that you love
Just what you're thinking of
If tomorrow never comes

Өнөөдөр зуны Олимпын 29-р их наадам БНХАУ-ын нийслэл Бээжин хотноо эхэлнэ. Энэ жил манай баг тамирчид Олимпын наадмаас Алтан медаль авах эрхэм зорилго тавин оролцож байгаа бөгөөд аварга болох боломжтой тамирчид манай топ-4 төрөлд 4-үүлэнд байгаа юм. Олимпод оролцож байгаа тамирчдын танилцуулга болон 1962 онд ОУ-ын Олимпын хороонд элсэн орсноосоо хойш ямар ямар амжилт гаргаж байсныг дэлгэрэнгүйгээр уг блогоос харах боломжтой. Мөн Монголын баг тамирчдын оролцох спортын төрлүүдийн хуваарь тавигдсан болно.
Олимпийн наадамд оролцож буй Монголынхоо баг тамирчдыг амжилт гаргаж эх орондоо Алтан медалийг авчрахад Банжиг блогчиддоо сэтгэл зүрхээрээ дэмжиж оролцоорой гэж уриалж байна. Алтан медаль блог http://olympicgame.blog.banjig.net/

Энэ жилийн 8-р сарын 1-нд нар бүтэн хиртсэнийг та бүгд санаж байгаа. Манай улсын Баян-Өлгий аймагт хамгийн тод үзэгдсэн билээ. Энэхүү нарны бүтэн хиртэлт Канад, Орос, Монгол, Хятад зэрэг улсуудад тод үзэгдсэн байна. Ингээд та бүхэндээ нарны бүтэн хиртэлтийн үеэр орчин тойрон, хотын гудамжыг хэрхэн харанхуй нөмөрч байсныг харуулсан бичлэгийг толилуулж байна. Бичлэгийг ОХУ-ын Новосибирск хотод авсан байна.

1997 оны 7-р сарын 29-ны бүгчим халуун өдөр Улаанбаатар хотын баруун захаар орших Толгойт хороололын нэгэн жижиг уулын бэлд байрлах хашаанд хөгшин залуу, эрэгтэй эмэгтэй хүмүүс цугларсан байх агаад ойр дотнын хамаатан садангийн улс болох нь яриа хөөрөө, үйл хөдлөлөөс нь тодорхой харагдана. Тэдний дунд миний бие аавын ахын хүү болох үе тэнгийн хүүтэй элдвийг ярилцан хөгжим сонсоол өвөөгийн барьж босгосон модон гэрт халуунаас залхсан янзтай хэвтэж байсан юм. Гадаа хашаанд ээж маань өвөөд сүүтэй будаа чанаж, харин өнөөх модон гэрийн урдхан талд байрлах 5 ханатай гэрт өвөө маань эмнэлэгээс гараад нэлээд хэдэн хоногийг өнгөрөөгөөд байлаа.

Хааяа нэг энд тэнд сонсоогүй хэрнээ аль эртний олон жилийн өмнөх дуунууд аманд өөрийн эрхгүй аялагддаг шдээ. Өнөөдөр тэгсэн доорх дуу гэнэт аманд ороод ирдэгийн. Тэгээд нэгэн харуусалтай гашуун дурсамжийг сануулаад болддоггүй ээ. Очиж очиж өнөөдөр байхдаа ч яахав дээ.

Надаар дүүрэн уянга дуунууд минь
Нэг л мэдэхэд намайг орхин одох юм
Өнгөрсөн бүхнээ эргэн санахад одоо
Бүх л хүслээ гүйцээсэн шиг санагдана аа
Амьдрал намайг дуунд уяраажээ
Алд биеийг минь дуугаараа мялаах юм
Амраг хайртай минь уулзуулж учруулсан
Амьдралын түшиг болсон тайздаа би хайртай... гээд Сараагийн нэг дуу байдаг даа. Энэ өдөр, энэ мөчөөс хойш энэ дууг сонсох үнэхээр дургүй болсон юм.

Өнгөрсөн бүхнээ эргэн санахад одоо
Бүх л хүслээ гүйцээсэн шиг санагдана аа  гэдэг энэ 2 мөрний үг тухайн дуу явж байх агшинд зэрэгцэн болсон аймшигт үйл явдлыг сануулаад болдоггүй юм. Гэхдээ одоо эргээд бодоход өвөө маань бурханы оронд очихдоо дээрх үгийг энэ дуугаар дамжуулан надад хэлж байсан юм болов уу гэж бодогддогийм. Өвөө маань хийх ёстой бүхнээ санаандаа тултал хийсээн.
Төвд хэлтэй, Уйгаржин бичгээр тэмдэглэл хөтөлдөг, сүсэг бишрэлтэй, бурханы ном уншиж сан, хүж уугиулдаг, Орос хэлээр чөлөөтэй харилцдаг, гарын уртай, сийлбэр хийдэг, зураг зурдаг, насаараа холбооны яаманд ажилласан өндөр боловсролтой, гүдэсхэн шудрага өвөөгийнхөө дайнд хүрэхгүй ч үйл хэргийг нь үргэлжлүүлэх болно оо.

Á.Ëõагвасүрэнгийн ач хүүдээ зориулж бичсэн шулгийг бийрбэхээс оллоо. Өвөө маань намайг хайранд өлгийдөж, хатууд ухааруулж өсгөсөн юм.

Элээний сүүдэрт өртөх төдийд
Энгэр өвдөг жиндэх насанд
Ач заяав
Зүүнээс туньж манддаг нарны өөдөс
Зүрхэн дээр минь чарлаж мандав
Өвөө нь хүүгээ
Өсгөнөө
Цэвэрхэн үүлэн зүлгэх
Тэнгэрээр татуулж өсгөнө
Цэцэг нь багтаж ядсан
Талаа жийлгэж өсгөнө

Халуун салхи зайчилж
Сүүдэртээ хөтөлж өсгөнө
Хаан тулгалсан төрийн
Сүлдийг тойруулж өсгөнө
Идэр жигүүр цуцаж
Ингэн туйлаадас үсэнд хаялах намар
Ач заяав
Газар буудаггүй долоон бурхны хэлтэрхий
Гарын алганы гүнгэрваанд инээж түгэв
Өвөө нь хүүгээ өсгөнөө
Халиун хонгор зулайг нь үнэрлэн согтож өсгөнө
Хатуу хорвоотой удаан зууралдаж тогтож өсгөнө
Эмээ хатан уултай нь
Элбэж өсгөнө
Их Чингисийн Монголыг
Үргэлжлүүлэх гэж өсгөнө

Бас л Б.Лхагвасүрэн гуайн Өнжүүлийн хөх өвгөд шүлгээс Арима он толиос олж өгсийн.

Ард минь биш
Урд минь
Ааруул үнэртсэн
Үгээ хэлдэг
Илд далд нэг л зантай
Инээх нь хүртэл дугуй нартай
Ухаантай өвгөд минь
Уулын оройн хадад минь
Буруу бүхнийг дарж
Булгарч унадаг чулууд минь
Дөрвөн улирал хэрэлдсэн хөдөөдөө
Дөрөөн дээрээ босоо өвгөрсөн
Хэдэн улаан уул минь
Хэлхэгэр дээлтэй туульс минь
Талд багтдаггүй уртын дууг
Тавган дээрх үзэм нуртал дуулж
Янаглаж ирдэг зовлонгийн нулимсийг
Ясаа нортол дотогшоо залгиж
Даанч ажина үгүй явсан
Даалиндаа хяруутай
Эр бор харцагууд минь

Тамхи миний анд нөхөр
Таллан хуваагдсан сэтгэлийн минь тайтгарал...

Үг чинь намайг дааруулж
Харц чинь намайг хайрдаг болж
Сэтгэлээс чинь үнэндээ хүйтнийг л мэдэрнэм
Даарч байна, чичирч байна

Тиймээ би царцсан сэтгэлтэй нэгэн болчихож... чамаас болж

Чамд ямар хамаатай юм бэ?

Чиний юу хийх надад хамаагүй юм бол
Би чиний хувьд хэн юм бэ?

Надад ямар хамаатай юм бэ?

Миний яах чамд хамаагүй юм бол
Чи миний хувьд хэн юм бэ?

Хэн хэндээ хамааралгүй юм бол чи бид 2 өдийг хүртэл яах гэж, юуны төлөө явсан юм бэ? утгагүй юм... 

О.Дашбалбар Эх орон

Тэнгэрлэг эх орон минь

Сайн үйлээ би таныхаа төлөө хиймүй
Саар мууг үйлдвэл би таныхаа өмнө ичмүй

Өвлийн өдөр цасан дээр хэвтэхдээ
Өнгөт хялмаа гялалзан гялтганахыг ажмуй
Орчинд нь хичнээн амьтан буй гэвээс тэд бүгд таных буюу
Одоо би таны нүдээр л бусдыг хармуй

Эх орон минь таны л хүч надад шингэсэнээс би хүчтэй явмуй
Энэрэл хайр тань надад ирсэнээс би бусдыг хайрлаж сурмуй

Аяа эх орон минь ээ

Догшин ширүүн галыг ч би таныг л гэж бодном
Дотоод зөөлөн амьсгалд нь шүтэж амьдарнам

Аяа эх орон минь ээ

Ариун тунгалаг агаарыг ч би таныг л гэж бодном
Амьсгалах тоолонд та надад нэвтрэн орж ирнэм

Аяа эх орон минь ээ

Та юм бүхэнд хувилан бидэндээ ирмүй
Амьд яваа минь таны гүн их таалал буюу

Хад чулуунаас ч би таныг олж үзмүй
Хатан дэлхийн өвсөн ногооноос та босч ирмүй
Хамаг амьтаны тусын тулд юм бүхэнд оршиж
Хар муу үйлийн замаас биднийг холдуулмуй

Энэ ертөнцийн өнгө аялгуу бүхэн таных гэмүү
Энх тунх явааг минь та ивээгтүн
Эрх биш түмэн амьтанд таны хайрыг хүртээх увьдас хайрла
Энэхүү ертөнцийн туйл үнэн буй бөгөөс түүний мөн чанар
Эгнэгт эс мөхөгч бас би эс бологч
Тал тал тийшээ хязгааргүй үргэлжлэгч
Төв цэг нь хаа сайгүй оршигч
Төрсөн бүхний учир шалтгаан
Төгөлдөрөөрөө өөр тэнцэх юм огт үгүй ээ

Эх орон минь тандаа би мөргөмүү
Энэ биеийн буруу зөвийг гагцхүү та тунгаамуй

Ариутгагч бас аврагч эцэг минь
Алтан мутраараа адислаж хүссэн бүхнээр минь болгоож хайрла
Сайн үйл мөнхийн дагуул минь болог
Сац бас муу явдал барааг минь хараад зугтаг
Бялдууч явдал дууг минь сонсоод устаг
Бас аймхай амьтас дуугарч чадахгүй дөлөг
Өвчин бүхэн намайг тойрог
Өвдсөн зовсонг би тэрчлэн арчлаг

Амьсгалах тоолонд та надад нэвтрэн орж ирнэм
Аньсан нүдэндээ ч би таныгаа хармуй
Ухаан бодол минь таныгаа баясгахаар уудам болог
Уг чанар минь хүн чанар л болог ээ

Эх орны минь мөн чанар гоо сайхныг бусдад түгээж
Энэ ертөнцийн олныг жаргаахад минь надад тусал
Энэ бие ухаан бодол сэтгэл зүрх үйл ажил минь таных гэвэл
Эх орон минь та өөрөө минийх

Би таны гэгээн гэрэлд аж төрмүй...

Дэлгэр цэцэг минь дэлгэр

Дуулим хорвоог баястал дэлгэр

Дуулсан дуунд минь найган дэлгэр

Дурлал авчран мишээн дэлгэр

Дэлгэр цэцэг минь дэлгэр

Хотын хүмүүсийн хувцас нимгэрч

Хангай дэлхий ногоорон гэрэлтэнэ

Наран илчээ улам бүр нэмсээр

Нүүдлийн шувуудтай хамт хавар ирлээ

Анхны борооны мөнгөн дусал

Алагхан цэцэг чам дээр буулаа

Амьдралыг чи инээмсгэлэн угтаж

Анхилуун үнэртэй дэлбээгээ дэлгэлээ

Дэлгэр цэцэг минь дэлгэр

Дуулим хорвоог баястал дэлгэр

Дуулсан дуунд минь найган дэлгэр

Дурлал авчран мишээн дэлгэр

Дэлгэр цэцэг минь дэлгэр

Хар цагаанаар сүлэлдэх орчлонг

Өнгө ялдам цэцэг чи

Өөрийн эрхгүй уярам болгодог

Хамгаас тансаг үнэрт чинь хэн бүхэн татагдан байна

2006.04.17

Юу ч үгүй хоосонд
Хэн ч үгүй хоосон бодолтойгоо
Юу ч үгүй хоосон очихсон ганцаараа...

Сая цайндаа орчоод ирлээ. Ажлаасаа гарах гэтэл бороо хувингаар асгаж байгаа юм шиг цутгаж байна шд. Өглөө шүхэр авч гараагүй болохоор өнгөрсөн хэрэг гээд л шууд л гараад явчлаа. Угаасаа л бороонд норох дуртайм болохоор яахав. Цайндаа ордог газар маань ажлаас ойрхон л доо, тэгсэн замдаа баахан тойрч явдаг байна шд. Үер болж байгаам биш үү цаана чинь, зам хөндлөн гарах газар олдохгүй, энд тэнд л багахан хэмжээний гол горхи үүсцэн байгаам бишүү цаана чинь. Алхаж явахад яагаад ч юм инээд хүрээд нэг л сайхан байсөөн. Инээгээд л... алхаад... нороод л... бас бодол нороод л... хэ хэ.
Бороо орохоор л өнгөрсөн баларсан руугаа өнгийж дурсамж, дурдатгал санаад ороод, бодолд автаад, хөнгөхөн гуниглаад, тэгсэнээ инээд хүрээд л явчихийн...Дурсамжтай холбоотой дуунууд санаанд ороод, нээх сонин хэдэн жилдээ сонсоогүй дуу аманд аялагддаг байна шд...

Асгараад алганд ус тогтохгүй нээ
Алтан элс хуруун завсраар урсах нээ.... гээл тэгсэнээ /зарим үгийг нь мартчижээ ккк/

Урдаас инээж байдаг чиний дүр бүдгэрч
Уруулын чинь хээ миний хувцаснаас арчигдана аа
Цээжин дэх чиний үнэрийг салхи хийсгэж
Цэцэг цэцгийн дээр шүүдэр болон тогтоно оо

Яаж би чамайг хайрлалаа
Ялдам дурлалын минь ховорхон өдрүүд

Сална гэж хэлэхэд амархан байл уу
Санана даа гэсэн минь үнэн байна уу

Шалба норсон бороонд хөтлөлцөн гүйхэд
Шаахайн товшилт минь хаана чинь үлдсэн бэ
Хамтдаа явсан өдрүүдийн уянгалаг дуу
Хаанахын шувуудын ганганааг шингээвээ
Норсон үсийг минь илбэн байж үнссэн
Нойтон уруул чинь хэрэв тэр дууг мартсан бол
Тасралтүй борооны ширхэг хэлхэн
Таталган бичсэнээ цонхон дээрээс уншина уу

Яаж би чамайг хайрлалаа
Ялдам дурлалын минь ховорхон өдрүүд....

тэр өдрүүд эргээд ирсэн юм шиг сайхан өдөр байна шүү.

Бороотой зуны дурсамжаа гэж... 10 жил өнгөрч дээ...

Өнөөдрөөс Евро 2008 хөл бөмбөгийн аварга шалгаруулах тэмцээн эхэлж байна. Хөл бөмбөг сонирхогч залуустаа зориулж тойргийн тоглолтуудын котксийг орууллаа.
Энэхүү коткс Евро 2008-ийн турш шинэчлэгдэх болно. Тоглолт бүрийн дараа аль баг аль багтай тоглож хэд хэдийн харицаатайгаар тоглолт өндөрлөсөнийг шинэчилж оруулж байх болно. 

Дэмжиж байгаа багаа хэрхэн тоглохыг л харах үлдлээ. Та бүхэн ямар багийг дэмжиж буйгаа бичиж үлдээгээрэй. Сарын турш аугаа Хөл бөмбөгийн ертөнцөөр аялцгаая залуусаа.

Group A

Group B

 Group C

Group D

 Жич: Хожил 3 оноо
              Хожигдол 0 оноо
                              Тэнцвэл 1 оноо тус тус өгнө.

Бороо ороол бодол нороол... Ойрын өдрүүдийн шивэрсэн бороо бодолд автуулж гуниг төрүүлээд болдоггүй ээ... зүгээр л цээж хөндүүрлээд байсхийгээд л нээх уртаар санаа алдах юм... тэгсэн мөртлөө энэ нь надад тийм ч хэцүү бус, зовлон мэт санагдахгүй юм... гунигтайгаар санаа алдсаны дараа сэтгэлийн их тайвшралыг олох шиг...
Ер нь би яг ийм тэнгэр уйлганасан, бүрхэг өдрүүдэд дуртай... би алхсаан...гуниг шивэрсэн энэ хэдэн өдрүүдэд зөндөө их алхсан... норсон... сайхан байсан... алхаад л баймаар...

Саяхан нөгөө Дэлгэрийн блог руу орж үзлээ тэгсэн чинь хөөрхий минь ичсэн бололтой бүх бичлэгээ устгачихаж... овоо доо тэгмээрсэн дээ... Уг нь Дэлгэр өөрөө л унацийм байна лээшд /хэ хэ хэ/ хүний үнэргүй амьтан байна гэж бодсон чинь бас ч гаагүү үнэртэй юм байна шт. Одоо цэвэр өөрийнхөө бичлэгүүдийг оруулах байлгүй дээ л гэж найдахаас... зө зө ямар ч байсан буруугаа хүлээсэн Дэлгэртээ цаашдийнх нь бичлэгт амжилт хүсье ээ гэж... http://degy.blog.banjig.net/